E seguimos...

Hai 18 anos que o PP goberna neste concello. Neses 18 anos nunca se soubo cal é a debeda real do mesmo porque cando entraron falaban de que o goberno anterior os deixara moi mal pero sen cuantificala. A oposición a día de hoxe tampouco soubo cuantificala. ¿Como pode ser isto posible?
Nós creemos que o primeiro que debe facer un goberno é saber o que se debe,e intentar de tódolos xeitos posibles rematar con esa historia que corre polo pobo, que moitas empresas teñen que esperar 3,4 ou mesmo 5 anos para cobrar ás facturas.
Propoñemos como medidas de axuste:

• Reducción dos soldos dos concelleiros e eliminación de postos de asesores e superfluos. Con esta medida teremos un aforro aproximado de 150.000 € por ano.
• Non sabemos exactamente o numero de farolas do concello, pero intuímos que hai dúas por habitante,é dicir unhas 12.000 en todo o concello. Só con apagar ás menos necesarias dende ás 2 da mañá ata ás 8 aforraremos 100.000 € por ano,e levando a cabo outras medidas de aforro enerxético podemos reducir aínda máis o consumo eléctrico.
• Restructuración do persoal laboral.
• Racionalización do gasto en comunicacións.

Finalmente con estas medidas estamos a falar duns 400:000 € máis ou menos 10% do presuposto anual do concello.