Aínda que ao
Sr. Alcalde de Ponteceso lle guste mezclar todo para non aclarar nada, eu
quixera., como concelleiro de APIN contar a historia da construcción do Centro
Socio Deportivo Cultural e que esto deixe
de ser motivo de polémica nos Plenos do Concello de Ponteceso.
Quero aclaralo
diante da opinión pública pedindo perdón aos socios e socias da A.C. Río
Anllóns por utilizar datos da mesma e
deixando constar dende un principio que só compete aos socios e socias a
situación da entidade. NAS OBRAS DO CENTRO CULTURAL NON HAI NIN UN SÓ CÉNTIMO
DE SUBVENCIÓN DE NINGUNHA ADMINISTRACIÓN,
polo tanto o Concello non ten nada que pinchar nin cortar neste tema por
moito que o Sr. Alcalde o intente.
Como é bastante longo o relato vouno dividir
en distintos apartados.
1º A A.C. Río
Anllóns tiña un Centro Cultural “feito”
( quero remarcar o de feito porque é literal) por moitos dos socios ,
financiado por moitos dos socios, incluso con préstamos persoais. Dito centro
foi no seu momento un emblema para Ponteceso pois contaba cunhas instalacións
que non había en ningún concello da Costa da Morte.
2º No ano 2004 a Asemblea Xeral da
Asociación decidiu estudiar a forma de ampliar e ofrecer novas instalacións aos
socios e socias . Falouse co Concello de Ponteceso e o Sr. Alcalde propuxo o
seguinte:
Que a ACRA cedera a propiedade do Centro Cultural ao Concello de xeito
gratuito cun dereito de retracto de dez anos . Logo dunha asemblea moi “movida” aprobouse esta cesión pero o Sr.
Alcalde volveuse atrás.
3º No ano 2005 a Asociación fixo un
proxecto de ampliación do Centro que a asemblea aprobou por unanimidade pero no
momento de pedir permisos atopámonos que o Centro Cultural, que tiña licenza de
obras de cando se construira ( antes da lei de costas do 1988) estaba afectada
por dita lei. E estaba afectada porque no PXOM do ano 2002 non tivemos moita
sorte e o noso Centro deixou de ser urbano a pesar de estar totalmente
integrado no casco de Ponteceso cando houbo outros solares que se beneficiaron do PXOM coas
mesmas caracteristicas que os da Asociación.
4º Total, que
despois de moitas viaxes á Coruña para que a Demarcación de Costas tivese en conta que o edificio estaba
integrado na paisaxe urbana de Ponteceso e nos deixase seguir co noso proxecto
o único que nos ofrecían era derrubalo e
pagarnos unha cantidade tasada por dúas empresas independentes. Como non
tiñamos outra alternativa , a asemblea do 6 de maio de 2006 aceptou a
tasación por importe de 549.202,5€ e que
se devolvese ao Sr. Jaime Valdés Parga o solar que xentilmente nos donara .
É MOI IMPORTANTE ESTE PUNTO, ÍAMOS RECIBIR
UNHA CANTIDADE DE CARTOS PORQUE COSTAS DECIDIA DERRUBAR UN EDIFICIO E TIÑA QUE
PAGAR UNHA INDEMNIZACIÓN. NON ERA NINGUNHA SUBVENCIÓN E A ASOCIACIÓN PODÍA
UTILIZAR ESA CANTIDADE DE CARTOS NO QUE OS SOCIOS DECIDIRAN.
5º A
Demarcación de Costas púxose en contacto co Sr. Jaime Valdés e, por causas que
decoñezo, non chegaron a acordo sobre o solar antes indicado polo que a única
solución que tiñamos era un longo proceso administrativo. Intentarei resumir
todo o que poida este proceso.
a)
Aprobación do deslinde de
bens de dominio público marítimo-terrestre desde o peirao de Balarés ata o límite co Concello de Cabana de
Bergantiños en Anllóns (9576m). Recibido na asociación o 16-11-2006
b)
Solicitude de concesión
administrativa ( dado que o Centro estaba en zona de dominio público era
necesario ter unha concesión) . Cconcedida o 11 de febreiro de 2008 .
c)
Declaración de utilidade
pública , comunicada o 5 de xuño de 2008
d)
Rescate dos dereitos
adquiridos. Ë decir que a concesión que nos deran rescatabana a cambio do pago
dunha indemnización.
e)
Aceptación da valoración feita para o rescate.
f)
Acta de rescate con data do
29-01-2009.
g)
Acta de pago con data do
29-01-2009
Ë decir, dende que se tomou a decisión de aceptar o derrubo ata
que cobramos pasaron TRES anos.
6º Por suposto que para
todo este proceso foron necesarias moitas viaxes, moitas chamadas,
moitas entrevistas e moitos agradecementos a diversas persoas, algunhas xa non
están entre nós como Eliseo Barca Pallas, ( Liso) e Xosé Manuel Pose Mesura,
naqueles momentos subdelegado do Goberno. Incluso chegamos ao Sr. Rodríguez
Zapatero a través de correos electrónicos e ás persoas que traballaban alí debemos
estar moi agradecidos porque fixeron moito para que se axilizase o expediente.
7º Ao mesmo tempo que estabamos co tema de Costas empezamos a
estudiar para onde iamos construir o
Centro novo e puxémonos a buscar algunha subvención.
A búsca do solar non estaba doado naqueles momentos (2006-2007)
.Despois de moito buscar atopamos o que mais tarde mercamos pero o prezo era
alto e os competidores eran moi fortes. Logo de moitas visitas a súa dona e de
buscar o maior número de influenzas ,conseguimos que aceptara vender e esperar
a que cobraramos a indemnización de Costas para cobrar ela.
Chegado este punto
teño que lembrar a figura de JOAQUIN DOMINGUEZ VARELA , non só polo seu
traballo dende a fundación da Asociación , traballo que encherían moitos folios
para poder contalo , senon tamen polo esforzo, encomiable , para convencer á dona do solar, cousa que non
foi nada doada.
Se foi unha monstruosidade
o que pagamos ou non o foi, habería que retroceder no tempo e mirar de novo o
que pedían por calquera solar en Ponteceso naquela época..
Por certo, a tasadora “ Gestión de Valoraciones y
Tasaciones S.A. GESVAT”o 5 de setembro de 2007 fixo unha valoración do solar en
200.582.44€ e se buscamos en Internet ofertas de solares
na actualidade , o solar da Asociación aínda hoxe estaría nun prezo
razonable.Por último, a compra foi aprobada pola Asemblea da Asociación por
unanimidade dos presentes que foron ver o terreo na mesma reunión .
8º Penso que quedan aclarados dous puntos.
a)
A ACRA non recibiu NINGUNHA
subvención de ningunha administración para o proxecto.
b)
A compra do solar foi nun
momento complicado pola situación do mercado e foi decidido polos socios e
socias que son os que teñen poder de decisión.
9º Pasemos agora ao tema da
Subvención do AGADER.
Unha vez que tiñamos un solar e un proxecto puxémonos a buscar
solucións para a financiación.
Soliciramos axudas ao
Concello e o Sr. Alcalde falou da posibilidade de solicitar unha axuda a
AGADER e que el ía intentar que se
aprobase na Asociación Comarcal para o Desenvolvemento da Comarca de
Bergantiños. Asimesmo comprometeuse a axudar por parte do Concello cunha
cantidade de 150.000€ posto que había outras entidades que recibiran
subvnecións para obras e que “Río Anllóns” non podía ser menos tendo en conta a
importancia do proxecto.
O día 2 de outubro de 2006
presentamos a petición en Buño( AGADER) e o 21 de decembro de 2006 asinamos o
contrato de axuda (importe da axuda 196.141.85€)
10º Tiñamos pois, en teoría, os seguintes cartos para empezar as
obras:
---196.141.85€ da axuda do AGADER
---150.000.00€ comprometidos polo Concello de Ponteceso
---549.202.00€ da indemnización da Demarcación de Costas
TOTAL : mais ou menos 900.000 € pero en realidade estábamos sin
efectivo para mercar o solar e facer a obra que tiñamos que rematar, como moi
tarde, a finais de 2008 para non perder a axuda do Agader.
11º Entón fomos a un banco ( BANESTO oficina de Ponteceso) que
aceptou financiar o proxecto.
Nun primeiro momento asinamos un préstamo-ponte con garantía sobre
a axuda do Agader.Ao conceder ese
préstamo aceptaban que fianciarían toda a obra .Para poder cobralo tiña que
rematarse o proxecto porque do contrario non se cobraría a subvención que eles
tiñan pignorada.
Cando tivesemos o documento oficial da Demarcación de Costas
pasaríamos a formalizar un préstamo hipotecario sobre o Centro Cultural .
Dito préstamo sería abonado
coas subvencións de Agader e do Concello
e coa indemnización de Costas quedando ao remate unha hipoteca de 200.000€
cunhas cuotas fácilmente asumibles segundo o Plan de Viabilidade presentado. É
dicir, a obra estaría rematada a tempo e a Asociación contaría cunha
infraestructura impresionante , nunha localización idílica e cunha débeda
fácilmente asumible que representaba tan só o 18% do valor.
11º E empezaron as obras, todo máis ou menos segundo o previsto
pero chegaron os tempos dos problemas na banca e BANESTO deixounos na estacada.
A Pesar das moitas reunión cos “xefes” da entidade non conseguimos que
cumpriran o tratado e tivemos que parar as obras e perder a subvención do
Agader.
Espero que, con toda esta
información, quede claro o tema que tanto “preocupa” ao Sr. Alcalde aínda que,
repito:AS OBRAS DA ACRA SON DUNHA ASOCIACIÓN, POLO TANTO SON COMPETENCIA DOS
SEUS SOCIOS E SOCIAS E NON RECIBIMOS NINGUNHA SUBVENCIÓN
12º Co tema das festas de A Barquiña, outra das teimas do Alcalde,como
dá para outro documento tan extenso coma este vou deixalo para outra ocasión
pero podo rebatir todas e cada unha das
súas falsedades e difamacións .
13º José Manuel Pose Verdes, concelleiro de APIN en ningún momento
insultou, menospreciou ou difamou sobre as actividades do Sr. José Luis Fondo
Aguiar alleas ao seu cargo , polo tanto, pídolle desde estas liñas que fagoa o
mesmo. Eu non penso entrar nunca nese terreo por moito que el o pretenda pero
dado que sempre fala da miña xestión é a miña obriga como concelleiro que
explique aos cidadáns de Ponteceso en que gastou SETE MILLÓNS DE EUROS( mil
cento e pico millóns de pesetas ) que debemos todolos habitantes de Ponteceso
pola súa xestión e como vai facer para pagar esa débeda. REPITO : É A MIÑA OBRIGA
PREGUNTARLLE E A SÚA CONTESTAR.
Moitas grazas a todos e todas
No hay comentarios:
Publicar un comentario